اس ‘بیف برگر’ کی حقیقت دنگ کردینے والی ہے

  جمعرات‬‮ 10 جنوری‬‮ 2019  |  10:35

امریکا(مانیٹرنگ ڈیسک) برگر تو اکثر افراد شوق سے کھاتے ہیں اور گائے کے گوشت سے بننے والا یہ فاسٹ فوڈ سب کے منہ میں پانی لے آتا ہے مگر کوئی سوچ سکتا ہے کہ یہ کسی ٹیکنالوجی نمائش کا میلہ لوٹ سکتا ہے؟ مگر ایسا ہوا ہے اور رواں سال کی سب سے بڑی ٹیکنالوجی نمائش کنزیومرالیکٹرونکس شو میں یہ کمال کسی ڈرون یا اسمارٹ فون کی بجائے ایک برگر نے کیا ہے۔ امریکی کمپنی امپاسبل فوڈ نے ایسا برگر تیار کیا ہے جو تیار تو سبزیوں سے ہوتا ہے مگر اس کا ذائقہ بالکل گائے کے گوشت جیسا ہے۔


کیا آپ پوری زندگی برگر غلط طریقے سے کھاتے آئے ہیں؟ امپاسبل برگر 2.0 کھانے والوں کے لیے یقین کرنا مشکل ہوگا کہ یہ بیف نہیں بلکہ ویجیٹیبل برگر ہے۔ کمپنی کے مطابق یہ سویا پروٹین، گلوٹین اور کولیسٹرول فری برگر ہے جس میں چربی اور کیلوریز عام برگر کے مقابلے میں بہت کم ہیں۔ اور جیسا اوپر درج کیا جاچکا ہے کہ اس کا ذائقہ بالکل بیف برگر جیسا ہی ہے اور سبزیوں سے دور رہنے والے بھی اسے بہت شوق سے کھا سکتے ہیں، کم از کم کمپنی کا تو یہی دعویٰ ہے۔ اس برگر کا 'گوشت' حقیقی گوشت کی طرح بھورا اور کرکرا ہے جبکہ مہک بھی بیف برگر جیسی ہی ہے۔ اور ایک نوالہ لینے کے بعد اگر آپ کو بتایا نہ جائے کہ یہ اسے اصل گوشت کی بجائے سبزی سے بنایا گیا، تو جاننا مشکل ہوگا۔ کمپنی کے مطابق یہ نباتاتی 'گوشت' ہے جو کہ فاسٹ فوڈ کے لیے جانوروں کی ضرورت ختم کردے گا جس سے عالمی فوڈ سسٹم مستحکم ہوگا۔

موضوعات:

loading...