سان فرانسسکو(مانیٹرنگ ڈیسک) سماجی رابطے کی سب سے بڑی ویب سائٹ فیس بک نے میسنجر ایپ میں کی جانے والی تبدیلیوں کا آزمائشی تجربہ شروع کردیا۔ تفصیلات کے مطابق 24 اکتوبر کو یہ اطلاع سامنے آئی تھی کہ فیس بک نے میسنجر ایپ کے ڈیزائن میں تبدیلی کا فیصلہ کیا جس کے تحت ٹیبز Tabs کو کم کیا جائے گا تاکہ صارفین کے لیے اسے مزید آسان بنایا جائے۔

ٹیکنالوجی پر نظر رکھنی والی ویب سائٹ نے دعویٰ کیا تھا کمپنی میسنجر ایپ میں 9 کے بجائے تین ٹیبز مہیا کرنے کا ارادہ رکھتی ہے۔ اب ٹیکنالوجی پر نظر رکھنے والی صحافی جین مین چن وانگ نے سماجی رابطے کی ویب سائٹ پر دو علیحدہ علیحدہ تصاویر ٹویٹ کرتے ہوئے بتایا ہے کہ فیس بک نے مسینجر ایپ میں کی جانے والی متوقع تبدیلیوں کو آزمائشی طور پر متعارف کرادیا۔ فیس بک کی آزمائشی سروس مخصوص صارفین کے لیے ہے، کامیاب تجربے کے بعد اس سے عام صارفین بھی استفادہ کرسکیں گے۔فیس بک میسنجر ایپ میں بڑی تبدیلیوں کا فیصلہ اطلاعات کے مطابق کمپنی نے میسنجر کے نئے ورژن میں تین Tabs شامل کیے جن میں سیکیورٹی فلٹر آپشن دیا گیا ہے، یعنی اب صارف جن لوگوں سے چیٹ کرنا چاہیے گا اپنی مرضی سے کرے گا بقیہ دیگر اُسے پیغام ارسال نہیں کرسکیں گے۔ میسنجر کی آزمائشی سروس میں فیس بک کے دوستوں کے دوست، جن دوستوں نے موبائل نمبر سے فیس بک آئی ڈی بنائی ہے، جو لوگ آپ کو انسٹاگرام پر فالو کرتے ہیں یا دیگر صارفین سب کو پیغام بھیجنے کے لیے اجازت درکار ہو گی۔ گزشتہ ماہ فیس بک کے نائب صدر اسٹان نے تبدیلی کا عندیہ دیتے ہوئے کہا تھا کہ ’کئی برسوں میں ہماری ٹیم نے میسنجر کے حوالے سے کافی مہارت حاصل کرلی، ایپ میں تبدیلیاں آسان نہیں تھیں البتہ اب ایسا ممکن ہے‘۔ فیس بک میسج واپس لینے کا فیچر متعارف یاد رہے کہ فیس بک نے صارفین کی شکایات کو مدنظر رکھتے ہوئے مسینجر سے بھیجے جانے والے پیغام کو واپس لینے کے فیچر پر بھی کام شروع کردیا۔ دوسری جانب ماہرین کا یہ بھی ماننا ہے کہ فیس بک میسنجر کا ڈارک موڈ فیچر سمیت دیگر سہولیات بھی متعارف کرانے کا ارادہ رکھتی ہے تاکہ گرتی ہوئی ساکھ کو بحال رکھا جاسکے۔

موضوعات:فیس بک میسنجر ،تبدیلی،آزمائشی فیچر