سائبر کرائم سے محفوظ ترین فون بنانے کا دعویٰ

11  جولائی  2018

سوئٹزرلینڈ (مانیٹرنگ ڈیسک)سوئٹزرلینڈ کی ملٹی نیشنل ٹیکنالوجی کمپنی ‘سرن لیب’ نے دنیا کا طاقتور ترین اور ہرطرح کے سائبر کرائم سے محفوظ موبائل فون بنانے کا دعویٰ کیا ہے۔ اس کمپنی کا یہ دوسرا فون ہے، اس سے قبل اسی کمپنی نے ‘سولارن’ نامی ایک ایسا مضبوط اور طاقتور فون متعارف کرایا تھا، جس متعلق کمپنی کا دعویٰ تھا کہ اس سے انسان کی پرائیویسی متاثر نہیں ہوتی۔

کمپنی کا پہلا فون 2016 میں 1600 امریکی ڈالر کی قیمت پر فروخت کے لیے پیش کیا گیا تھا، یعنی کمپنی کا پہلا فون ہی پاکستانی ایک لاکھ 60 ہزار روپے سے زائد کی قیمت پر فروخت کے لیے پیش کیا گیا۔ اب کمپنی نے پہلے موبائل سے بھی زیادہ محفوظ اور طاقتور فون ‘دی فنے‘ متعارف کراتے ہوئے اسے پری آرڈر آن لائن فروخت کے لیے پیش کردیا۔ کمپنی کا دعویٰ ہے کہ اس فون کو ‘بلاک چین’ نامی ایسی خصوصی ٹیکنالوجی کے ذریعے تیار کیا گیا ہے، جس سے کسی بھی کریپٹو کرنسی کی لین دین یا آن لائن رقم کی ترسیل سے کوئی بھی فراڈ نہیں ہوسکے گا۔ کمپنی کا دعویٰ ہے کہ اس فون میں سائبر سیکیورٹی کے ایسے فیچرز شامل کیے گئے ہیں، جو اس سے قبل کسی بھی کمپیوٹر ٹیکنالوجی کمپنی کی جانب سے استعمال نہیں کیے گئے۔ کمپنی نے اس فون کو دنیا کا محفوظ ترین فون قرار دیتے ہوئے دعویٰ کیا ہے کہ اگر اس فون کے ذریعے کوئی بھی شخص فراڈ کرنے کی کوشش کرے گا تو اس کا بلاک چین سسٹم یہی فون استعمال کرنے والے دوسرے شخص کو پہلے ہی خبردار کردے گا۔ اس فون کی خاص بات یہ ہے کہ یہ ڈوئل اسکرین ہے، جب کہ اس میں 12 میگا پکس ریئر کیمرے سمیت 8 میگا پکسل سیلفی کیمرہ بھی دیا گیا ہے۔ 128 جی بی ریم کے اس فون میں 845 اسنیپ ڈریگن استعمال کیا گیا ہے، ساتھ ہی اس کی ڈیزائن اچھوتی رکھی گئی ہے۔ اینڈرائڈ 1۔8 سسٹم سے لیس اس فون میں الٹرا سیکیورٹی سسٹم کے فیچر رکھے گئے ہیں۔

جن کے ذریعے اسے تمام طرح کی ڈیوائسز سے بھی منسلک کیا جاسکے گا۔ دنیا کے اس محفوظ ترین موبائل کو کمپنی نے آن لائن پری آرڈر کے لیے پیش کرتے ہوئے اس پر خصوصی رعایت کا بھی اعلان کیا ہے۔ پاکستان سمیت دنیا کے متعدد ممالک کے افراد اس موبائل کو آن لائن خرید سکتے ہیں، تاہم اس فون کی ترسیل رواں برس کے آخر تک کیے جانے کا امکان ہے۔ اس فون کی قیمت ایک ہزار امریکی ڈالر یعنی پاکستان ایک لاکھ روپے سے زائد رکھی ہے، تاہم فون ڈیلیور کرتے وقت صارف کو اعلان کردہ رعایت بھی دی جائے گی۔

موضوعات:



کالم



کیا یہ کھلا تضاد نہیں؟


فواد حسن فواد پاکستان کے نامور بیوروکریٹ ہیں‘…

گوہر اعجاز سے سیکھیں

پنجاب حکومت نے وائسرائے کے حکم پر دوسری جنگ عظیم…

میزبان اور مہمان

یہ برسوں پرانی بات ہے‘ میں اسلام آباد میں کسی…

رِٹ آف دی سٹیٹ

ٹیڈکازینسکی (Ted Kaczynski) 1942ء میں شکاگو میں پیدا ہوا‘…

عمران خان پر مولانا کی مہربانی

ڈاکٹر اقبال فنا کوہاٹ میں جے یو آئی کے مقامی لیڈر…

بھکارستان

پیٹرک لوٹ آسٹریلین صحافی اور سیاح ہے‘ یہ چند…

سرمایہ منتوں سے نہیں آتا

آج سے دس سال قبل میاں شہباز شریف پنجاب کے وزیراعلیٰ…

اللہ کے حوالے

سبحان کمالیہ کا رہائشی ہے اور یہ اے ایس ایف میں…

موت کی دہلیز پر

باباجی کے پاس ہر سوال کا جواب ہوتا تھا‘ ساہو…

ایران اور ایرانی معاشرہ(آخری حصہ)

ایرانی ٹیکنالوجی میں آگے ہیں‘ انہوں نے 2011ء میں…

ایران اور ایرانی معاشرہ

ایران میں پاکستان کا تاثر اچھا نہیں ‘ ہم اگر…