اسلام آباد(این این آئی)پولیس نے ایک روز قبل لاپتا ہونے والے سابق پرنسپل سیکریٹری اعظم خان کے اپنی مرضی سے غائب ہونے کا انکشاف کیا ہے۔میڈیا رپورٹ کے مطابق سابق وزیراعظم عمران خان کے پرنسپل سیکریٹری اعظم خان ایک روز قبل لاپتا ہوگئے تھے، ان کے اہل خانہ نے تھانہ کوہسار میں اس حوالے سے درخواست بھی دی تھی،

پولیس تفتیش میں اہم پیش رفت سامنے آئی ہے جس کے مطابق پولیس کو اعظم خان کے اغوا کے کوئی شواہد نہیں ملے، پولیس ذرائع کے مطابق اعظم خان اپنی مرضی سے گاڑی خود ڈرائیو کر کے گئے۔پولیس ذرائع کے مطابق اعظم خان کے موبائل کا ریکارڈ حاصل کر لیا گیا ہے، اعظم خان کے موبائل ریکارڈ سے اغواء کے حوالے سے کوئی کلیو نہیں ملا، اسلام آباد پولیس نے دیگر اضلاع کی پولیس سے بھی رابطہ کر لیا ہے۔

موضوعات:اعظم خان