اسلام آباد (این این آئی) تحریک انصاف کے رہنما علی محمد خان کو رہائی کے فورا بعد ہی دوبارہ گرفتار کرلیا گیا۔گزشتہ روز پشاور ہائیکورٹ نے پی ٹی آئی رہنما ء و سابق وزیر مملکت علی محمد خان کی درخواست پر محفوظ فیصلہ سناتے ہوئے انہیں ایک لاکھ روپے کے ضمانتی مچلکے جمع کرانے کے ساتھ ان کی رہائی کے احکامات جاری کئے تھے۔

علی محمد خان کی رہائی کے پروانے پر ڈی سی آفس نے دستخط کیے، اور ان کی رہائی کا پروانہ ڈی سی آفس سے سینٹرل جیل پہنچا دیا گیا، جس کے بعد سابق وفاقی وزیرکو رہا کر دیا گیا۔علی محمد خان جیسے ہی پشاورسینٹرل جیل سے رہا ہو کر باہر نکلے تو انہیں دوبارہ گرفتار کرلیا گیا۔ذرائع کے مطابق علی محمد خان کو مردان پولیس نے9اور 10مئی کو جلاؤ گھیراؤ اور توڑ پھوڑ کیس میں دوبارہ گرفتارکیا ہے۔

موضوعات:علی محمد خان