لاہور(مانیٹرنگ ڈیسک)پی ٹی آئی کے صدر چودھری پرویز الٰہی کہاں جا رہے تھے، ان کے ڈرائیور کا اہم بیان سامنے آ گیاہے۔ پنجاب پولیس کا کہنا ہے کہ چودھری پرویز الٰہی گھر سے چار گاڑیوں کے قافلے کے ساتھ نکل رہے تھے، دو گاڑیوں میں بچے اور خواتین سوار تھیں جنہیں چیک بھی کیا گیا، جس گاڑی میں پی ٹی آئی صدر سوار تھے وہ بلٹ پروف تھی۔

چیکنگ کیلئے روکا گیا تو ڈرائیور نے دروازہ نہ کھولا جس پر پولیس کو شک ہوا اور گاڑی کا شیشہ توڑنے کی کوشش کی گئی اس موقع پر چودھری پرویز الٰہی خود گاڑی سے باہر نکلے اور اپنی گاڑی پر جانے کا اصرار کیا، ڈرائیور نے پولیس کو بیان دیا ہے کہ وہ چودھری پرویز الٰہی گلگت بلتستان فرار ہو رہے تھے۔

موضوعات:چودھری پرویز الٰہی