اسلام آباد(مانیٹرنگ ڈیسک، این این آئی )سابق وزیر داخلہ چوہدری نثار علی دوبارہ سیاست میں متحرک ، میڈیا رپورٹس کے مطابق سابق وزیر داخلہ چوہدری نثار علی اور فنکشنل لیگ کے رہنما محمد علی درانی کے درمیان اہم ملاقات ہوئی ہے، جس میں ملکی سیاست میں محاذ آرائی ،

اپوزیشن تحریک اور گرینڈ ڈائیلاگ سے متعلق تبادلہ خیال کیا گیا ۔ یاد رہے کہ محمد علی درانی قومی سطح کے ڈائیلاگ کیلئے اس سے قبل اپوزیشن لیڈر شہبازشریف سے بھی جیل میں مل چکے ہیں، جبکہ محمد علی درانی نے لاہور میں صدر پی ڈی ایم مولانا فضل الرحمان سے بھی ملاقات کی، جس میں اپوزیشن تحریک کو ختم کرکے حکومت اور اپوزیشن کے درمیان مفاہمت کی راہ کو ہموار کرنا ہے۔دریں اثنا وفاقی وزیر سائنس و ٹیکنالوجی فواد چوہدری نے کہا ہے کہ پی ڈی ایم کا چورن نہیں بکا، میرا مفت مشورہ ہے ذرا سانس لیں، چائے پئیں، کوئی نیا چورن بازار میں لائیں۔ اپنے بیان میں انہوں نے کہاکہ آپ مکمل پٹ گئے ہیں۔انہوںنے کہاکہ مریم مواز اور بلاول تو نئے مہمان ہیں، فضل الرحمن جیسے پرانے گھاگ نے جیسی غیرذمہ دارانہ گفتگو کی ،ان کی گفتگو سے لگتا ہے ہوش کی بجائے جوش پر حکمت عملی بنائی جو بری طرح پٹ گئے ، علاوہ ازیں پاکستان تحریک انصاف کے سینیٹر فیصل جاوید نے کہاہے کہ سینٹ انتخابات میں خریدو

فروخت کرپشن ہے، دھاندلی کے خلاف بات کر نے والی اپوزیشن اوپن بیلٹ کے خلاف ہے ۔ میڈیا سے گفتگو کرتے ہوئے انہوں نے کہاکہ عمران خان نے دنیا کرکٹ میں نیوٹرل ایمپائر لائے۔ انہوں نے کہاکہ عمران خان نے الیکشن کی شفافیت کیلئے دھرنا دیا،اپوزیشن والے الیکشن

میں دھاندلی کی باتیں کرتے ہیں۔ انہوں نے کہاکہ اپوزیشن دھاندلی کی بات کرتی لیکن اوپن بیلٹ کے خلاف ہے،ہم الیکشن میں شفافیت چاہتے ہیں۔انہوں نے کہاکہ سینٹ انتخابات میں خریدوں فروخت ہوتی،سینٹ انتخابات میں خریدو فروخت کرپشن ہے۔

موضوعات:چوہدری نثار محمد علی درانی