لاہور (مانیٹرنگ ڈیسک /این این آئی )شاہدرہ ٹائون میں ناخوشگوار واقعہ ، مریم نواز کےخطاب کے دوران کسی نے چھڑی پھینک دی جو ان کے سر پر جا لگی ۔نجی ٹی وی کی رپورٹ کے مطابق لاہور کے شاہدرہ ٹاؤن میں عوامی رابطہ مہم کے دوران کارکنوں سے خطاب کر رہی تھیں کہ اچانک ناخوشگوار واقعہ پیش آیا ، دوران خطاب کسی نے ان پر چھڑی پھینکی جو سیدھے ان کے سر میں جالگی ۔

واقعہ کے بعد مریم نواز خطاب چھوڑ کر واپس چلی گئیں ۔ قبل ازیں ن لیگ کی نائب صدر مریم نواز لاہوریوں کو جلسے میں شرکت میں دعوت دینے کے لئے میدان میں آگئی ہیں، اس موقع پر مریم نواز نے لاہور میں ریلی کی قیادت کی، کارکنوں کی ایک بڑی تعداد ریلی میں شریک ہوئی، مریم نواز کی گاڑی پر پھولوں کی پتیاں بھی نچھاور کی گئیں، مریم نواز اس موقع پر خطاب بھی کیا، ریلی کے دوران ایک شخص نے مریم نواز کو ہاتھ لگایا جس پر پاس موجود کارکنان مشتعل ہو گئے اور مذکورہ شخص پر تھپڑوں کی بارش کر دی۔ نجی ٹی وی چینل جی این این کی رپورٹ کے مطابق مریم نواز کو سٹیج پر پہنچایا جارہا تھا اس دوران کارکنوں کی جانب سے پھولوں کی پتیوں کی بارش بھی جاری تھی کہ اس موقع پر ایک کارکن نے مریم نواز کو ہاتھ لگا دیا، ہاتھ لگانے کی دیر تھی باقی کارکنوں نے اس پر تھپڑوں کی بارش کر دی۔ ‎دوسری جانب مسلم لیگ (ن) کی نائب صد رمریم نواز کے جلوس کے شرکاء پر منچلے نوجوانوں کی جانب سے جعلی نوٹ نچھاور کئے گئے۔ تفصیلات کے مطابق جب مریم نواز کا قافلہ بادامی باغ پہنچا تو وہاں پر موجود کچھ منچلے نوجوانوں نے نئے نوٹوں کی گڈی ہوا میں اچھال دی۔ جلوس میں شریک بچے اور نوجوان نوٹ اکٹھے کرنے کیلئے بھاگ کھڑے ہوئے لیکن انہیں بعد میں پتہ چلا کہ نوٹ جعلی ہیں۔‎

موضوعات:چھڑی مریم نواز