اسلام آباد (این این آئی)پاکستان تحریک انصاف کے رہنما سینیٹر فیصل جاوید نے معاشرے کے بنیادی مسائل پر مبنی ڈرامہ لکھنا شروع کر دیا ۔ سینیٹر فیصل جاوید نے ایک انٹرویو میں بتایاکہ میں نے ایک کہانی لکھنا شروع کردی ہے، جو ہمارے معاشرے کے بنیادی مسائل پر مبنی ہوگی۔فیصل جاوید نے

مزید تفصیلات بتاتے ہوئے کہا کہ ‘ایسے بنیادی مسائل جو بہت عام ہوگئے ہیں جیسے سفارشیں، غیبت کرنا، جھوٹ، چوری اور رشوت، ان تمام مسائل کے اردگرد میری کہانی گھومتی ہے اور وہ کہانی ایک استاد جی کی ہوگی۔پی ٹی آئی رہنما نے کہا کہ یہ بہت زبردست کہانی ہوگی اور جب آپ دیکھیں گے تو آپ کو بہت مزہ آئے گا۔

موضوعات:سینیٹر فیصل جاوید