اسلام آباد (مانیٹرنگ ڈیسک)شیخ رشید نے کہا میں چاہتا ہو ں کہ لوگ میری کتاب خرید کر پڑھیں ۔انہوں نے کہامیں آپ سب لوگوں کو یہ بات کہتا ہوں کہ پاکستان عمران خان کی قیادت میں ہی ترقی کرے گا،ہم غریب کی آواز ہیں کبھی یہ نہ سوچیں کہ ہم وزارت کے بھوکے لوگ ہیں ،پارٹیوں میں حقیقت ہے کہ جب برا وقت آتا ہے ،کوئی حقیقی ورکر کی طرف نہیں دیکھتا، ہم نے مارشل لا دیکھے

پاک فوج اس ملک کی ایک حقیقت ہے پاک فوج دنیا کی ان عظیم فوجوں میں ہے جو سیلاب ہو، ٹڈی دل ہو کورونا ہو،جنگ ا ور امن ہو اس نے ایک تنظیم کی صورت میں کھڑے ہو کر کام کیا ۔کراچی میں امن کے لئے یا وزیر ستان میں گولی کھانی ہو وہاں بھی سینہ تان کے کھڑے ہیں ۔انہو ں نے کہا 6 ستمبر کتاب کی رونمائی کا انتخاب اس لئے کیا کہ ہمارے شہیدوں غازیوں کا دن جنہوں نے اپنی جان پر کھیل اس ملک کا دفاع کیا اور دوسر امیں نے اس لئے اس دن کاانتخاب کیا آج میری ماں کی برسی کا دن بھی ہے جس کے نام میں نے یہ کتاب کی ہے میں دنیا گروپ کے چیئرمین میاں عامر محمود اور نوید کاشف اوران کی ساری ٹیم کا شکریہ ادا کرتا ہوں ۔ انہو ں نے کہا بنیادی طور پر میں غریب ہوں اور غریب کا دل سے حامی ہوں ، میں نے ایک سی ای او سے کہا ہے کہ مزدروں کا ٹی اے ڈی اے بڑھا دو زندگی کا کوئی پتہ نہیں گزشتہ ہفتے میں ایک بڑی بیماری سے گزارا اللہ نے مجھے نئی زندگی دی میں واقعی یہ سمجھتا ہوں کہ جوشخص ملک کا 14 بار وزیر ر ہا ہو وہ ایک ٹیکے کا بندوبست نہ کرسکا اور بالآخرفوج نے اس ٹیکے کا بندوبست کر کے دیا ۔ انہو ں نے کہا اس کتاب کی رونمائی میں کثیر تعداد نے شرکت کی یہ سب کریڈٹ ایم ڈی دنیا گروپ نوید کاشف کو ہی جاتا ہے ۔ انہو ں نے کہا کہ مجھے یقین نہیں تھا کہ میری کتاب اتنی خوبصورت بن سکتی ہے یہ سارا کا م دنیا پبلی کیشن کا ہے ۔دنیا پبلی کیشن نے میری کتاب کو خوبصورت بنایا انکا بے حد شکر گزار ہوں۔

موضوعات:شیخ رشید