اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے وفاقی وزیر ریلوے شیخ رشید نے کہا ہے کہ نوازشریف کو باہر لے جانے ، نکالنے میں مریم نواز کا بڑا کردار تھا۔

مریم نواز نے سعودی شاہی خاندان کی بچیوں سے تعلق داری بنائی ہوئی تھی لیکن واپس لانے کیلئے شہبازشریف نے رول ادا کیا، انہوں نے دعویٰ کیا ہے کہ اپنا خاندان بچانے کیلئے شہبازشریف ، نوازشریف کو چھوڑ بھی سکتے ہیں ،ماضی میں بھی شہبازشریف باہر جانے کیلئے تیار نہیں تھا، انہوں نے خود جہاز لیٹ کروایا ، والد کے کہنے پر بڑی مشکل سے راضی ہوا، شہبازشریف اس جہاز پر چڑھنے کیلئے تیار نہیں تھا جو سعودی عرب جارہا تھا، مشرف نے کہا تھا جب تک یہ ساتھ نہیں جائیگا معاہدہ ختم ہو جائیگا، اس معافی نامے میں سب مردوں کے دستخط ہیں ، کسی خاتون کے دستخط نہیں ہیں، شیخ رشید نے کہا کہ میں صرف سچ بولتا ہوں ، کابینہ کے رفقا کی پروا نہیں، اصل دھماکے اگلی کتاب میں ہونگے اور پھر سیاست چھوڑنا پڑے گی

موضوعات:شیخ رشید