لاہور (این این آئی ) صوبائی وزیر ِاطلاعات فیاض الحسن چوہان نے کہا ہے کہ مولانا فضل الرحمان ایک دفعہ پھر اے پی سی کے ذریعے متحدہ اپوزیشن اور عوام کو بے وقوف بنانے کی ناکام کوشش کرنے جا رہے ہیں۔صوبائی وزیر اطلاعات فیاض الحسن چوہان نے مولانا فضل الرحمن کی جانب سے اے پی سی بلائے جانے پر ردعمل دیتے ہوئے کہا کہ غیر متحدہ اپوزیشن جتنی ایڑھیاں رگڑ لے، حکومت اپنی آئینی مدت پوری کرے گی۔

جمعیت علمائے اسلام (ف)کے سربراہ کو تنقید کا نشانہ بناتے ہوئے فیاض الحسن چوہان نے کہا کہ مولانا فضل الرحمان ایسے سیاسی پیراسائٹ ہیں جو اپنے مہربان کا خون چوس کر چھوڑ دیتے ہیں،مولانا شاید یہ حقیقت ماننے کو تیار نہیں کہ انکا سیاسی کیریئر اپنے اختتام کو پہنچ چکا۔فیاض الحسن چوہان نے کہا کہ گزشتہ دو سال سے مولانا ہر پارٹی کے ساتھ ملکر حکومت کو ناکام ثابت کرنے کی بھرپور کوشش کر رہے ہیں،لیکن مولانا فضل الرحمان کو ہر اے پی سی میں جگ ہنسائی اور رسوائی ہی ملی ہے، نام نہاد متحدہ اپوزیشن کی صفوں میں پھوٹ اور ایک دوسرے پر بے اعتباری سب کے سامنے ہے۔صوبائی وزیر اطلاعات کا مزید کہنا تھا کہ پی ٹی آئی کی موجودہ حکومت عوام کے ووٹ سے اقتدار میں آئی اور عوام کے اعتماد پر قائم ہی وزیرِ اعظم عمران خان کی قیادت میں عوامی خدمت کا سفر جاری رہے گا۔ فیاض الحسن چوہان نے کہا ہے کہ مولانا فضل الرحمان ایک دفعہ پھر اے پی سی کے ذریعے متحدہ اپوزیشن اور عوام کو بے وقوف بنانے کی ناکام کوشش کرنے جا رہے ہیں۔صوبائی وزیر اطلاعات فیاض الحسن چوہان نے مولانا فضل الرحمن کی جانب سے اے پی سی بلائے جانے پر ردعمل دیتے ہوئے کہا کہ غیر متحدہ اپوزیشن جتنی ایڑھیاں رگڑ لے، حکومت اپنی آئینی مدت پوری کرے گی۔جمعیت علمائے اسلام (ف)کے سربراہ کو تنقید کا نشانہ بناتے ہوئے فیاض الحسن چوہان نے کہا کہ مولانا فضل الرحمان ایسے سیاسی پیراسائٹ ہیں جو اپنے مہربان کا خون چوس کر چھوڑ دیتے ہیں

موضوعات:فیاض الحسن چوہان