اسلام آباد(مانیٹرنگ ڈیسک)وفاقی حکومت نے 30 ٹرینیں چلانے کی اجازت دے دی ، وفاقی وزیر ریلوے شیخ رشید نے کہا کہ 20 مئی سے ٹرین آپریشن شروع کردیں گے، تمام ٹرینوں میں ایس اوپیز پر مکمل عملدرآمد کیا جائے گا، مسافروں کے علاوہ کسی دوسرے شخص کوسٹیشن میں داخل نہیں ہونے دیا جائے گا۔ انہوں نے حکومتی فیصلے کے بعد پریس کانفرنس کرتے ہوئے

اعلان کیا کہ وفاقی حکومت نے فی الحال جزوی طور پر ٹرینیں چلانے کی اجازت دی ہے۔انہوں نےشہریوں کو ہر وقت(لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ) کرنے کا بھی مشورہ دیا ہے، اگر صورتحال بہترر ہی اور20 تاریخ سے 31 مئی تک صورتحال میں بہتری نظر آئی تو یکم جون سے142تمام ٹرینیں چلادیں گے۔ انہوں نے کہا کہ وزیراعظم عمرا ن خان نے فی الحال 30 ٹرینیں چلانے کی اجازت دی ہے، اس حوالے سے 20مئی سے ٹرین آپریشن شروع کردیں گے۔خیبرمیل، عوام ایکسپریس،جعفرایکسپریس،علامہ اقبال ایکسپریس ودیگرٹرینیں چلائی جائیں گی۔دوسری جانب حکومت پنجاب کی جانب سے بیرون شہر ٹرانسپورٹ چلانے کی اجازت ملنے کے باوجود ٹرانسپورٹرز نے بس گاڑیاں چلانے سے انکار کر دیا ۔ ٹرانسپورٹرز نے موقف اختیار کیاکہ حکومت کی جانب سے جاری ایس اوپیز پر عملدرآمد ممکن نہیں ، سوشل ڈسٹنس کے نام پر ایک سیٹ چھوڑ کر دوسری سیٹ پر مسافر نہیں بٹھا سکتے۔ ٹرانسپورٹرز نے کہاکہ ایسے کرنے سے ہمارے اخراجات پورے نہیں ہوتے،پہلے ہی نقصان ہوچکا ، عید پر چھٹیوں پر آبائی علاقوں میں جانیوالے لوگوں کو شدید مایوسی کا سامنا ہے ۔

موضوعات:شیخ رشید وزیراعظم کا بدھ سے30 ٹرینیں چلانےکا حکم