مظفر آباد (مانیٹرنگ ڈیسک) قومی کرکٹ ٹیم کے سابق کپتان و آل رائونڈر شاہد خان آفریدی نےبھارتی وزیراعظم نریندرا مودی کو للکارتے ہوئے کھری کھری سنا دیں ۔ تفصیلات کے مطابق سابق آل رائونڈر نے کہا ہے کہ مودی سن لو ، ابھینندن جیسے چوزوں کو تو ہم نے چائے پلا کر واپس بھیجا تھا ۔ مودی ذہنی بیماری ہے اور بیماری بھی کوئی اور نہیں بلکہ اسے مذہب کی بیماری ہے ، مودی دلیر بننے کی ایکٹنگ کرتا ہے لیکن اندر سے وہ بزدل ہے ۔ کشمیر جیسے چھوٹے سی جگہ پر

اس نے بھارت کی 7لاکھ فوج کو لا کر کھڑا کر دیا اس سے وہ دنیا کو کیا پیغام دینا چاہتا ہے ، اس کے مکروہ عزائم اور ناپاک ہتھکنڈوں سے واقف ہو چکی ہے ۔ شاہد آفرید ی مودی کو للکارتے ہوئے کہا ہے کہ مودی کان کھول کر سن لو ، ہماری 7لاکھ فوج کے پیچھے 22کروڑ عوام کھڑی ہے ۔ پاکستان امن پسند ملک ہے اور چاہتا ہے کہ خطے میں امن کا قیام ہو ۔ ہمیں اپنی پاک فوج پر فخر ہے ، میرا پاک فوج کو سیلیوٹ ہے ، ابھی نندن جیسے چوزوں کو ہوا میں عبرتناک شکست دینے کے بعد چائے پلا واپس بھیجا اور دنیا کو امن کا پیغام دیا پاکستان امن پسند ملک ہے اور خطے میں امن کیلئے انتھک کوششیں کر رہا ہے ۔

موضوعات:شاہد خان آفریدی