اسلام آباد (مانیٹرنگ ڈیسک) رواں سال ایوان صدر میں کام کرنے والے ملازمین کو رمضان کے ساتھ کورونا پیکیج بھی دیا جائے گا۔نجی ٹی وی کے مطابق ایوان صدر کے ملازمین کو ہر سال رمضان پیکیج دیا جاتا ہے لیکن رواں سال انہیں رمضان کے ساتھ کورونا پیکیج بھی دیا جائے گا اور اس حوالے سے سمری بھی تیار کرلی گئی ہے۔ سمری میں

کہا گیا ہے کہ ایوان صدر کے گریڈ ایک سے 20 تک کے ملازمین کو ایک ماہ کی تنخواہ بطور اعزازیہ دی جائے گی۔ذرائع کا کہنا ہے کہ ایوان صدر کے بیشتر چھوٹے ملازمین کم تنخواہ کے باعث پارٹ ٹائم نوکریاں کرتے ہیں،لاک ڈاؤن کی وجہ سے چھوٹے ملازمین زیادہ متاثر ہوئے ہیں اس لیے انہیں خصوصی پیکیج دیا جائیگا۔

موضوعات:ایوان صدر