کراچی (این این آئی)سندھ ہائیکورٹ نے سیشن جج جیکب آباد خالد شاہانی کے بیٹے عاقب کے قتل کیس میں سابق سیشن جج مٹھی سکندر لاشاری اور عرفان بنگالی کی سزا ئے موت کے خلاف اپیل مسترد کردی۔ پیر کو سابق سیشن جج سمیت دو مجرموں کی اپیل پر فیصلہ جسٹس محمد علی مظہر اور جسٹس آغا فیصل نے سنایا۔عدالت نے سابق سیشن جج مٹھی

سکندر لاشاری سمیت دو مجرموں کو پھانسی دینے کی سزا برقرار رکھنے کا حکم رکھتے ہوئے اپیل مسترد کی ہے۔واضح رہے کہ انسدادِ دہشت گردی عدالت نے سابق سیشن جج مٹھی سکندر لاشاری اور عرفان بنگالی کو سزا ئے موت کا حکم سنایا تھا۔پولیس کے مطابق مجرم نے خاندانی تنازعہ پر جج کے بیٹے عاقب شاہانی کو جامشورو کے قریب 19 فروری 2014 کو گولیاں مار کر قتل کر دیا تھا۔‎

موضوعات:اپیل مستر سندھ ہائیکورٹ