اسلام آباد (مانیٹرنگ ڈیسک) ایک قرنطینہ سینٹر میں لوگوں کی خدمات کرنے والے افراد نے حیرت انگیز باتوں کا انکشاف کیا۔ ان کی گفتگو کی یہ ویڈیو سوشل میڈیا پر وائرل ہے۔ لوگ کرونا وائرس سے مر رہے ہیں اور خوفزدہ تو دوسری جانب ہمارے ہاں قرنطینہ سینٹر میں کن کن چیزوں کا تقاضا کر رہے ہیں۔ قرنطینہ سینٹر میں لوگوں کی خدمت کرنے والے شخص نے کہا کہ ایک چچا اور اس کے ساتھ اور بھی کافی لوگ ہیں جو شرارتیں کرتے ہیں اور مختلف چیزوں کا تقاضا کرتے ہیں، کبھی کہتے ہیں کہ یہ چیز دو اور کبھی کہتے ہی فلاں چیز دو۔

کبھی کہتے ہیں کہ ہمیں شراب لا کر دو، یہاں ڈرائیور زیادہ ہیں وہ کہتے ہیں کہ ہمیں چرس لا کر دو۔ خدمت گزاروں نے کہاکہ وہ آگے سے ہاتھا پائی کرتے ہیں، انتظامیہ نے کہا کہ ہم سگریٹ تودے دیں گے لیکن چرس نہیں دے سکتے۔ انہوں نے بتایا کہ کل ان لوگوں تمام کمروں کے لاکر توڑ دیے، جس میں سالن پڑا تھا اس کا بھی تالہ توڑ دیا۔ انہوں نے کہا کہ یہ ڈرائیور ہے جس نے سارے لڑکے اکٹھے کئے جن کو سگریٹ چاہیے تھا ان کو ساتھ لے کر ہمارے کمرے میں آیا اور باقی جتنے کمروں کو تالے لگے ہوئے تھے وہ سارے توڑ دیے۔

موضوعات:قرنطینہ سینٹر