لاہور( این این آئی )پاکستان مسلم لیگ (ن)کے مرکزی رہنما خواجہ سعد رفیق اور خواجہ سلمان رفیق نے کورونا وائرس کے پھیلائو کے خدشے کے پیش نظر سیاسی و مذہبی رہنمائوں اور کارکنوں کو ملاقات کیلئے آنے سے روکدیا۔ خواجہ سعد رفیق نے کہا کہ سیاسی و مذہبی جماعتوں کے رہنما، کارکنان اور دیگر شخصیات رہائی پر مبارکباد دینے کیلئے آنا چاہتے ہیں اور ہم ان کے جذبات کا احترام کرتے ہیں اور ان کی محبت پر

مشکور ہیں ۔ کورونا وائرس کے پھیلائو کے خدشے کے پیش نظر رہنمائوں، کارکنوں اور دیگر شخصیات کو ملاقات سے روکا ہے، ،سب لوگوں سے اپیل کرتا ہوں کہ کورونا وائرس سے بچائو کیلئے صفائی ستھرائی کا خیال رکھیں اور بلاضرورت گھروں سے باہر نہ نکلیں۔ جیل سے رہائی کے بعد پارٹی سمیت دیگر سیاسی و مذہبی جماعتوں ،کارکنوں او ر شخصیات کا خواجہ برادران کو مبارکباد دینے آنے کیلئے تانتا بند ہوا تھا۔

موضوعات:خواجہ برادران