لاہور (آن لائن) پنجاب حکومت نے کرونا وائرس کے پیش نظر لاہور کی دو تاریخی عمارتوں شاہی قلعہ اور بادشاہی مسجد کو سیاحوں کے لئے بند کردیا ہے۔ اس سلسلے میں جاری نوٹیفکیشن میں کہا گیا ہے کہ تاریخی بادشاہی مسجد میں جوڑوں کے نکاح کے ساتھ ساتھ نماز کی ادائیگی بھی نہیں ہوگی ۔

جبکہ بادشاہی مسجد میں صرف ملازمین نماز ادا کرسکیں گے۔ دریں اثنا چیئرمین بورڈ آف انٹرمیڈیٹ اینڈ سیکنڈری ایجوکیشن لاہور نے میٹرک کے سالانہ امتحانات 2020ء کے پیپروں کی مارکنگ روک دی ہے۔ جس کی وجہ سے کرونا وائرس کے پھیلائو کے خدشات بتائی گئی ہے۔ جبکہ بورڈ کے ذرائع کا کہنا ہے کہ چیئرمین بوررڈ کے اس اقدام سے میٹرک کے امتحانات کے نتائج جن کا اعلان یکم جولائی 2020ء کو کیا جانا تھا میں نہ صرف تاخیر پیدا ہوسکتی ہے جبکہ کامیاب امیدواروں کے کالجوں میں انٹرمیڈیٹ کے داخلے بھی تاخیر کا شکار ہوسکتے ہیں۔ جبکہ دوسری طرف لاہور بورڈ کے ترجمان کا کہنا ہے کہ لاہور بورڈ کے زیر اہتمام ہونیوالے میٹرک کے امتحانات کے نتائج میں تاخیر پیدا نہیں ہوگی۔ یہ نتائج ستمبر 2020ء سے قبل جاری کردئیے جائیں گے اور انٹرمیڈیٹ کا سیشن بھی مقررہ وقت پر ہی شروع کیا جائے گا۔ ترجمان کے مطابق امتحانی پیپروں کو ذمہ دار حملہ اپنے گھروں میں بیٹھ کر چیک کرے گا۔

موضوعات:بادشاہی مسجد شاہی قلعہ