لاہور( این این آئی)سابق اسسٹنٹ ایڈووکیٹ جنرل شہباز تتلااغوا اور قتل کیس میںنامزد ایس ایس پی مفخر عدیل اور شریک ملزم اسد بھٹی کو پانچ روزہ جسمانی ریمانڈ پر پولیس کے حوالے کر دیا گیا ۔دونوں ملزمان کو جوڈیشل مجسٹریٹ شازیہ محبوب کی عدالت میں پیش کیاگیا ۔ایس ایس پی مفخر کو عدیل کو انتہائی سخت سکیورٹی میں بکتر بند گاڑی میں عدالت لایا گیا ۔

ایڈووکیٹ فرہاد علی شاہ مقتول سابق اسسٹنٹ ایڈووکیٹ جنرل شہباز تتلا کی جانب سے بطور وکیل پیش ہوئے ۔ عدالت نے پولیس کے بیان کے بعد ایس ایس پی مفخر عدیل کے جسمانی ریمانڈ میں پانچ روز کی مزید توسیع کر دی جبکہ اسد بھٹی کو بھی پانچ روزہ جسمانی ریمانڈ پر پولیس کے حوالے کر دیا ۔ شہباز تتلاکے اغوا کا مقدمہ 7 فروری 2020 کو تھانہ نصیر آباد میں درج کیا گیا تھا۔‎

موضوعات:ایس ایس پی مفخر عدیل