اسلام آباد(مانیٹرمگ ڈیسک)لکی مروت کے علاقے میں خودکش حملہ ہوا ،نجی ٹی وی کے مطابق لکی مروت کے علاقے تحصیل نورنگ ہاتھی خان میں پولیو ٹیم کو نشانہ بنانے کی کوشش کی گئی تاہم خوش قسمتی سے حملے میں کوئی جانی نقصان نہیں ہوا۔سکیورٹی فورسز اور انتظامیہ نے علاقے کو گھیرے میں لے لیا ہے اور سرچ آپریشن کا بھی آغاز کر دیا ۔

ذرائع کے مطابق خود کش حملہ آور نے پولیو ٹیم سے کچھ فاصلے پر خود کو دھماکے سے اڑایا۔دھماکے سے قریبی عمارتوں کو بھی نقصان پہنچا۔یاد رہے کہ گزشتہ روز بھی ضلع لوئر دیر میں نامعلوم مسلح افراد نے پولیو ٹیم کی سکیورٹی پر مامور پولیس اہلکاروں پر فائرنگ کردی تھی جس کے نتیجے میں 2 اہلکار شہید ہوگئےتھے۔

موضوعات:خود کش