اسلام آباد(مانیٹرنگ ڈیسک)ن لیگ کے مرکزی رہنما احسن اقبال کے گر د گھیرا تنگ ، نیب حرکت میں آگیا۔ تفصیلات کے مطابق ناروال اسپورٹس سٹی پراجیکٹ کے تمام ریکارڈ نیب راولپنڈی کو موصول چکے ہیں،30کروڑ کا منصوبہ 3ارب روپے کی رقم تک کیسے پہنچ گیا ، سوال اٹھ گیا ۔ نیب کے ذرائع نے کہا ہے کہ 30کروڑ کے منصوبے کی لاگت میں بے ضابطگیاں سامنے آئیں کہ ایک منصوبہ 3

ارب تک کیسے پہنچ گیا ۔ ایف آئی اے میں جاری تحقیقات نیب نے اپنی تحویل میں لینے کا فیصلہ کر لیا ہے ۔ ذرائع کے مطابق ایف آئی اے ناروال اسپورٹس سٹی منصوبے پر تحقیقات کر رہی تھی جبکہ مختلف افسران اس کیس میں کافی حد تک تفتیش مکمل کر چکے ہیں ۔ یا درہے کہ رواں سال جولائی میں نیب نے اسپورٹس سٹی کرپشن کیس میں ن لیگی رہنما و رکن قومی اسمبلی احسن اقبال سے تفتیش مکمل کر لی تھی ۔

موضوعات:احسن اقبال