لاہور (مانیٹرنگ ڈیسک) شاہد خاقان عباسی کو ایل این جی کیس میں گرفتار کر لیا گیا، تفصیلات کے مطابق شاہد خاقان عباسی نے گرفتاری سے قبل نیب حکام سے مطالبہ کیا کہ انہیں پہلے گرفتاری وارنٹ دکھائے پھر پھر بے شک گرفتار کر لے ۔ احسن اقبال نے بتایانیب حکام سے جب گرفتاری وارنٹ دکھانے کا مطالبہ کیا گیا تو انہوں نے پہلے فون پر کاپی دکھانے کی کوشش کی بعد میں انہوں بغیر تصدیق شدہ وارنٹ دکھانا شروع کر دیئے ۔ ن لیگی رہنما احسن اقبال نے شاہد خاقان عباسی کی گرفتاری پر حکومت پر برس پڑے ،

آپ جو مرضی کر لیں آپ کی حکومت نہیں چلنے والی ۔ عمران خان ہمیں بے شک جیل میں ڈال دو لیکن ن لیگ کی آواز کو نہیں دبا سکتے ۔ دوسری جانب نیب پنڈی نے ایل این جی سکینڈل میں باقاعدہ تحقیقات میں شاہد خاقان عباسی کوجمعرا ت کو پہلی بار طلب کیا تھا۔ نیب نوٹس کے مطابق شاہد خاقان عباسی ایل این جی کیس کی اہم معلومات رکھتے ہیں، ایل این جی ٹرمینل کے غیر قانونی ٹھیکے سے خزانے کو اربوں روپے کا نقصان ہوا، انکوائری کے دوران شاہد خاقان عباسی تین مرتبہ نیب ٹیم کے سامنے پیش ہوئے۔

موضوعات:احسن اقبال شاہد خاقان عباسی گرفتاری نیب حکام