لاہور (پ ر) وزیراعلیٰ پنجاب سردار عثمان بزدارنے میٹرک کے امتحانات میں نمایاں پوزیشن حاصل کرنے والے طلبا و طالبات کو مبارکباد دی ہے۔ وزیراعلیٰ نے کہا کہ قوم کے بچوں اور بچیوں نے پوزیشنیں حاصل کرکے اپنے والدین اور اساتذہ کا نام روشن کیا ہے اور طلبا و طالبات کی محنت رنگ لائی ہے۔ انہوں نے کہا کہ پوزیشن ہولڈر طلبا و طالبات پاکستان کا قیمتی اثاثہ ہیں

اور پاکستان کا مستقبل ایسے ہی ذہین اور محنتی طلبہ سے جڑا ہوا ہے۔ انہوں نے کہا کہ پوزیشن ہولڈرز کے والدین اور اساتذہ بھی مبارکباد کے مستحق ہیں اور میں پوزیشن حاصل کرنے والے طلبا و طالبات کی مستقبل میں مزید کامیابیوں کیلئے دعا گو ہوں۔ وزیراعلیٰ نے کہا کہ حکومت ذہین طلبا و طالبات کی حوصلہ افزائی کیلئے اقدامات جاری رکھے گی۔

موضوعات:عثمان بزدار