لاہور(این این آئی) ٹرینوں کی بوگیوں اور ڈائننگ کاروں میں آگ لگنے کے واقعات روکنے کیلئے سگریٹ نوشی پرپابندی لگادی گئی ہے، اس حوالے سے مراسلہ بھی جاری کردیا گیا۔چیف کمشنر منیجر ریلوے عمران حیات نے ٹرینوں کی بوگیوں اور ڈائننگ کاروں میں سگریٹ نوشی پر

پابندی پر عملدرآمد کیلئے ڈویژنل سپرنٹنڈنٹس کو مراسلہ جاری کردیا۔مراسلہ میں کہا گیا ہے کہ کنڈیکٹر گارڈ بھی ڈائننگ کاروں کے سٹاف کو سگریٹ نوشی سے منع کریں۔ پلیٹ فارم پر لوگوں کو سگریٹ نوشی سے منع کیا جائے۔سگریٹ نوشی سے باز نہ آنے پر ڈائننگ کار سٹاف کو جرمانہ ہوگا۔