فیصل آباد (این این آئی) منشیات کیس میں گرفتار (ن)لیگ کے رہنما رانا ثنا اللہ کے قریبی ساتھی شیخ اعجاز کو بھی فیصل آباد سے گرفتار کر لیا گیا ہے۔ذرائع کے مطابق شیخ اعجاز مسلم لیگ (ن)فیصل آباد کے صدر ہیں، ان کی قیادت میں آج ضلع کونسل چوک میں احتجاج کیا جانا تھا تاہم اس سے قبل ہی انھیں ان کی رہائشگاہ سے گرفتار کر لیا گیا۔دوسری جانب اطلاعات ہیں کہ آئندہ چند روز میں

مزید گرفتاریاں متوقع ہیں،فیصل آباد سے 2 پارلیمنٹرینز کے حوالے سے بھی انوسٹی گیشن کی جا رہی ہیں۔خیال رہے کہ انسداد منشیات فورس کی جانب سے رانا ثنا اللہ کو جوڈیشل مجسٹریٹ کی عدالت کے روبرو پیش کیا گیا۔ اے این ایف کی جانب سے عدالت سے ریمانڈ کی استدعا کی گئی جسے منظور کر لیا گیا۔ رانا ثنا اللہ پر ڈرگ ڈیلرز اور کالعدم تنظیموں سے روابط کا الزام ہے۔

موضوعات:رانا ثنا اللہ کے قریبی ساتھی شیخ اعجاز