اسلام آباد (مانیٹرنگ ڈیسک) رانا ثناء اللہ کی گرفتاری پر سمندری میں لیگی کارکن سڑکوں پر نکل آئے، لیگی کارکنوں نے ٹائر جلا کر روڈ بلاک کر دی ہے، واضح رہے کہ اے این ایف لاہور نے رانا ثناء اللہ کو گرفتار کر لیا ہے، اس سلسلے میں اے این ایف نے گرفتاری کی تصدیق کر دی ہے، اے این ایف کے ترجمان کا کہنا ہے کہ رانا ثناء اللہ کی گاڑی سے منشیات برآمد ہوئی ہے،

رانا ثناء اللہ کے خلاف ثبوت موجود ہیں، ترجمان کا کہنا ہے کہ رانا ثناء اللہ سے تحقیقات کی جا رہی ہیں، ترجمان نے مزید کہا کہ نارکوٹکس ایکٹ کے تحت ان پر مقدمہ درج کیا جا رہا ہے، اس کے علاوہ ذرائع کا کہنا ہے کہ لیگی رہنما رانا ثناء اللہ کا ابتدائی طبی معائنہ بھی کیا جا رہاہے۔ اینٹی نارکوٹکس فورس کا کہناہے کہ کارروائی ٹھوس ثبوتوں کی بنیاد پر کی گئی ہے۔

موضوعات:!رانا ثناء اللہ