لاہور(این این آئی)قومی احتساب بیورو(نیب) لاہور نے پنجاب یوتھ فیسٹیول میں مبینہ طور پر کروڑوں روپے کی کرپشن کے کیس میں سابق ڈی جی سپورٹس بورڈ عثمان انور کو گرفتار کر لیا۔نیب ترجما ن کے مطابق حکومت پنجاب کی جانب سے 2011 اور 2012 میں یوتھ فیسٹیول کروائے گئے جن میں مبینہ طور پر مختلف معاہدات کی مد میں کروڑوں روپے کی

کرپشن کی گئی۔ترجمان کے مطابق سابق ڈی جی سپورٹس عثمان انور مبینہ طور پراختیارات کا ناجائز استعمال کرتے ہوئے یوتھ ایونٹ کیلئے کئے گئے ٹھیکوں میں مالی بے ضابطگیوں کے مرتکب ٹھہرے اوران معاہدات میں پیپرا رولز سے بھی انحراف کیا گیا۔نیب حکام عثمان انور کو جسمانی ریمانڈ کے حصول کیلئے آج ہفتہ احتساب عدالت کے روبرو پیش کریں گے۔

موضوعات:نیب