روسی صدر کا وزیراعظم عمران خان سے سابقہ حکومتوں کے رویے کا شکوہ،تعلقات کو وسعت دینے کافیصلہ،ملاقات کی اندرونی کہانی سامنے آگئی

  منگل‬‮ 18 جون‬‮ 2019  |  21:32

اسلام آباد (این این آئی) وزیراعظم عمران خان اور روسی صدر کی ملاقات کی اندرونی کہانی سامنے آگئی، روسی صدر نے وزیراعظم عمران خان سے سابقہ حکومتوں کے رویے کا شکوہ کیا اور کہا آج سے پہلے اس قدر اعلی سطح رابطوں کی کوشش نہیں کی گئی جبکہ پاکستان اور روس کے درمیان مسلسل اعلی سطح سفارتی رابطوں کا بھی فیصلہ کیا گیا۔نجی ٹی وی کے مطابقشنگھائی تعاون تنظیم کے سربراہ اجلاس کے دوران وزیراعظم عمران خان اور روسی صدر پیوٹن کے درمیان ملاقات کی اندرونی کہانی منظر عام پر آگئی۔ ذرائع کے مطابق ملاقات میں روسی صدر نے وزیراعظم


سے سابقہ حکومتوں کے رویے کا شکوہ کرتے ہوئے کہا، ماضی میں پاکستان نے اس سطح پر رابطہ نہیں کیا جس پر ہونا چاہیے تھا، تعلقات کی مضبوطی کے لیے سابق حکومتوں نے مؤثر کردار ادا نہیں کیا۔ذرائع کے مطابق روسی صدر نے کہاکہ آج سے پہلے اس قدر اعلی سطح رابطوں کی کوشش نہیں کی گئی، آخری اعلی سطح رابطہ جنرل مشرف کے دور اقتدار میں ہوا تھا۔وزیراعظم عمران خان نے کہا کہ پاکستان روس سے دو طرفہ تعلقات کے فروغ اور وسعت کا خواہشمند ہے۔ذرائع کے مطابق دونوں رہنماؤں کا پاک روس تعلقات کی مضبوطی کے لیے کردار اداکرنے پراتفاق ہوا اور کھانے کی میز پرخطے کی علاقائی اور مجموعی صورتحال پربھی تبادلہ خیال کیا گیا جبکہ پاکستان اور روس کے درمیان مسلسل اعلی سطح سفارتی رابطوں کا بھی فیصلہ کیا گیا۔یاد رہے 13 جون کو وزیراعظم عمران خان کی روسی صدر سے غیررسمی ملاقات ہوئی تھی، دونوں رہنماؤں نے مصافحہ کیا اور کچھ دیر کے لیے بات چیت کی گئی تھی۔

loading...