اسلام آباد( آن لائن) خیبر پختونخوا سمیت پنجاب کے مختلف علاقوں میں بارش سے موسم خوشگوار ہو گیا جبکہ سندھ، بلوچستان اور پنجاب کے بیشتر علاقوں میں گرمی کی شدت برقرار ہے۔صبح خیبر پختونخوا کے علاقوں پشاور، سوات سمیت مختلف علاقوں میں گرچ چمک کے ساتھ بارش ہوئی جس کی وجہ سے گرمی کا زور ٹوٹ گیا۔ پنجاب کے جڑواں شہروں سمیت مختلف علاقوں میں بادلوں نے ڈیرے ڈال لیے اور ٹھنڈی ہواوں

کی وجہ سے درجہ حرارت میں کمی آ گئی۔محکمہ موسمیات کے مطابق مالا کنڈ، ہزارہ ڈویژن، مردان، پشاور، کوہاٹ، راولپنڈی، سرگودھا، گوجرانوالہ ڈویژن، اسلام آباد، گلگت بلتستان اور کشمیر کے چند مقامات پربدھ کے روز آندھی اور گرچ چمک کے ساتھ مزید بارش کا امکان ہے۔سندھ، مشرقی بلوچستان اور وسطی و جنوبی پنجاب کے بیشتر علاقوں میں موسم بروز بدھ کو بھی گرم اور خشک رہے گا۔

موضوعات:بارشوں کی پیش گوئی