مریضوں میں ایچ آئی وی پھیلانے کا الزام،لاڑکانہ کے ڈاکٹر کو”کلیئر“قراردے دیاگیا،خودبھی ایڈز کا مریض ہے، افسوسناک انکشافات

  جمعہ‬‮ 24 مئی‬‮‬‮ 2019  |  21:54

لاڑکانہ(این این آئی) مریضوں میں ایچ آئی وی پھیلانے کا الزام،لاڑکانہ کا ڈاکٹرمظفر گھانگھروکلئیر قرارپائے لیکن انہیں مجرمانہ غفلت کا ذمہ دار ٹھہرایا گیا ہے۔ ان پر الزام تھا کہ انھوں نے انجکشن کے ذریعے مریضوں میں وائرس منتقل کیا۔ایس ایس پی لاڑکانہ مسعود بنگش نے بتایا کہ  ڈاکٹر مظفر نے جان بوجھ کر اپنے مریضوں میں ایچ آئی وی منتقل نہیں کیا۔ تاہم انھوں نے ایسا کرنے سے روک تھام کے لیے خاطر خواہ کوششیں نہیں کیں۔ مسعود بنگش کو اس جے آئی ٹی کا حصہ بنایا گیا تھا جس کو ڈی آئی جی لاڑکانہ عرفان بلوچ نے تشکیل


دیا تھا۔ڈاکٹر مظفر کو 30 اپریل کو حراست میں لیا گیا تھا،ان کا ایڈز ٹیسٹ پوزیٹو آیا تھا۔ انھوں نے ابتدا میں یہ ٹیسٹ کروانے سے انکار کردیا تھا۔ جے آئی ٹی رپورٹ میں بتایا گیا ہے کہ ایسے کوئی شواہد نہیں ملے کہ ڈاکٹر مظفر نے بدلہ لینے کی خاطر ایسا کوئی قدم اٹھایا۔ مسعود بنگش نے اس دعوی کی نفی کی کہ ڈاکٹر مظفر کو دوسرے کی ناکامی پر قربانی کا بکرا بنایا گیا۔ انھوں نے بتایا کہ اگر ہم اس کو پھنسانا چاہتے یا ایسا ثابت کرتے کہ وہ واحد مجرم ہے تو ہم یہ کہہ دیتے کہ اس نے جان بوجھ کر ایسا کیا ہے، یہ وہی کچھ ہے جو سب کا خیال ہے۔انھوں نے کہا کہ اس معاملے کی شفاف تحقیقات ہوئی ہیں،ہم کو معلوم ہوا کہ اس نے یہ سب جان بوجھ کر نہیں کیا اور وہ فرد واحد نہیں تھا جس سے یہ سب ہوا، تاہم اس سے کوتاہی ضرور سرزد ہوئی ہے۔

موضوعات:

loading...