پی آئی اے پائلٹ نے روزہ دار فضائی میزبان کو جہاز سے اتار دیا،شدید تلخ کلامی،روزہ توڑنے کیلئے مجبور کیاجاتارہا، افسوسناک صورتحال

  جمعرات‬‮ 16 مئی‬‮‬‮ 2019  |  22:20

اسلام آباد (این این آئی) پی آئی اے کے کپتان نے اسلام آباد سے برمنگھم جانے والی پرواز سے روزہ دار فضائی میزبان کو اتار دیا۔ نجی ٹی وی کے مطابق پی آئی اے ذرائع نے بتایا کہ اسلام آباد سے برمنگھم جانیوالی پرواز پی کے 791 پر کپتان اور فضائی میزبان کے درمیان تلخ کلامی ہوئی۔ کپتان نے کہا کہ فضائی میزبان نے روزہ رکھا ہوا ہے، اس لیے اسے فلائٹ پر نہیں لے جا سکتا۔فضائی میزبان نے کہا کہ کسی قانون میں نہیں لکھا کہ روزہ رکھنے پر پابندی ہے۔کپتان نے دعویٰ کیاکہ سرکلر کے مطابق دوران پرواز


روزہ نہیں رکھا جا سکتا۔ذرائع نے بتایا کہ کپتان نے فضائی میزبان سے کہا کہ اگر وہ روزہ توڑ دے تو اسے پرواز پر لے جایا جا سکتا ہے، بصورت دیگر اسے جہاز سے اترنا ہوگا، ورنہ پرواز آپریٹ نہیں کرونگا۔ترجمان پی آئی اے کے مطابق روزہ رکھنے پر کوئی پابندی نہیں، کپتان کو روزہ رکھنے پر فضائی میزبان کو آف لوڈ نہیں کر نا چاہیے تھا، پرواز سے واپسی پر کپتان کے خلاف کارروائی ہوگی۔

موضوعات:

loading...