اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے معروف تجزیہ کار نجم سیٹھی نے دعویٰ کیا ہے کہ چوہدری نثار نے وزیراعلیٰ پنجاب بننے کیلئے نواز شریف سے رابطے کروائے تھے، سابق وزیر داخلہ پنجاب کے وزیراعلیٰ بن کر اسٹیبلیشمنٹ سے ن لیگ کیلئے معاملات طے کرنے کے خواہاں تھے، تاہم نواز شریف نے انکار کردیا۔ نجم سیٹھی کا دعویٰ ہے کہ چوہدری نثار کی جانب

سے سابق وزیراعظم نواز شریف سے رابطے کرکے پیغام بھیجا گیا تھا کہ اگر وہ وزیراعلیٰ پنجاب بن جاتے ہیں، تو ایسے میں وہ اسٹیبلیشمنٹ سے معاملات طے کرنے کی کوشش کریں گے۔ چوہدری نثار کا خیال تھا کہ وہ وزیراعلیٰ پنجاب بن کر اسٹیبلیشمنٹ اور مسلم لیگ ن کے درمیان مفاہمت کروانے کی کوشش کریں گے۔ تاہم سابق وزیراعظم نواز شریف نے چوہدری نثار کی پیش کش مسترد کردی۔

موضوعات:نجم سیٹھی