لاہور (آن لائن) سابق وزیر اعظم میاں نواز شریف کی صاحبزادی مریم نواز نے کہا ہے کہ رمضان المبارک میں عوام کو ریلیف دینے کی بجائے پٹرول کی قیمتوں میں اضافہ کر دیا گیا ۔ حکومت مہنگائی کر کے عوام سے ان کا جینے کا حق چھین رہی ہے ۔ ان خیالات کا اظہار مریم نواز نے ہفتہ کے روز سماجی رابطے کی ویب سائیٹ ٹوئٹر پر کیا ۔ انہوں نے پٹرول مہنگا کرنے کی

سفارش پر ردعمل دیتے ہوئے کہاکہ رمضان میں مہنگائی سے پسی ہوئی عوام کو ریلیف دینے کی بجائے پٹرول کی قیمتوں میں اضافہ کر دیا گیا اور حکومت نے مہنگائی کر کے عوام سے ان سے جینے کا حق چھین لیا گیا ۔ مزدور گھروں میں بیٹھ گئے ہیں، تنخواہ دار طبقے کی تنخواہیں وہی کی وہی پرانی ہیں ۔ آخر عوام حکومت کی نااہلی اور نالائقی کا بوجھ مزید کب تک برداشت کرے گی ۔

موضوعات:مریم نواز