اسلا م آباد ( آن لائن ) قومی ائیر لائن (پی آئی اے) کی ایک اور ایئرہوسٹس شازیہ بیرون ملک ڈیوٹی کے دوران استعفیٰ دے کر فرار ہوگئی۔ تفصیلا ت کے مطابق لاہور سے تعلق رکھنے والی پی آئی اے کی ائیر ہوسٹس شازیہ ڈیوٹی کے دوران پیرس سے فرار ہو گئی، مذکورہ فضائی میزبان گزشتہ روز لاہور سے پیرس کی فلائٹ پر گئی تھی۔ذرائع کے مطابق پیرس کے ہوٹل سے ائیر ہوسٹس شازیہ بغیر کسی کو بتائے

سامان لے کر بیلجیئم چلی گئی،بیلجیئم جانے سے پہلے شازیہ نے نوکری سے استعفیٰ لکھ کر ٹیبل پر رکھ دیا۔قومی ائیر لائن کے دیگر عملے نے شازیہ کا استعفیٰ دیکھ کر اعلیٰ حکام کو اس سے آگاہ کیا۔ ایئر ہوسٹس شازیہ نے لاہور سے سفارش کے ذریعے اپنی ڈیوٹی پیرس جانے والی فلائٹ پر لگوائی تھی، پی آئی اے انتظامیہ نے صورت حال سے واقف ہونے کے بعد معاملے کی انکوائری شروع کر دی ہے۔

موضوعات:پی آئی اے