اسلام آباد(آن لائن) سابق صدر آصف علی زرداری نے پرویز مشرف کو عدالت میں پیش کرنے کے سوال کے جواب میں کہا کہ اس معاملے پر اسٹیبلشمنٹ سے پوچھنا چاہیے وہ بہتر بتا سکتے ہیں۔احتساب عدالت میں سابق صدر اور شریک چیئرمین پی پی آصف زرداری کے پیشی کے موقع پر صحافی نے سوال کیا آپ آج اس کرسی پر بیٹھے ہیں جہاں نواز شریف اور مریم نواز بیٹھتے تھے جواب میں آصف زرداری نے مسکراتے ہوئے کہا کہ میاں صاحب

تو بڑے لوگ ہیں اور ہم چھوٹے لوگ ہیں اور ویسے بھی میاں صاحب تو میاں صاحب ہیں اور میں میں ہوں۔صحافی نے سابق صدر سے سوال کیا کہ فریال تالپور جس طرح یہاں بیٹھی ہیں، مریم نواز بھی یہی بیٹھا کرتی تھی جس پر آصف زرداری نے کہا کہ آپ تو خوش ہیں ناں۔ایک اور سوال پر کہ سیاسی لیڈرشپ پیش ہو رہی ہے، آپ نہیں سمجھتے کہ پرویز مشرف کو بھی پیش ہونا چاہیے، آصف زرداری نے کہا کہ اس معاملے پر اسٹیبلشمنٹ سے پوچھنا چاہیے۔

موضوعات:آصف زرداری