اسلام آباد(آن لائن )سعودی شاہی خاندان سے دوستی کی دعویدار مسلم لیگ ن کی سابق حکومت اپنے پا نچ سالہ دور اقتدار میں ملکی مفادات کے بجائے ذاتی مفادات کو ترجیح دیتی رہی جس کے باعث اس عرصہ کے دوران سعودی عرب کو پاکستانی بر آمدات میں 20 کروڑ ڈالر کی کمی واقع ہوئی اوردو طرفہ تجارتی خسارہ 3 ارب ڈالر تک پہنچ چکاہے ۔زرائع کے مطابق پاکستان اور سعودی عرب کے درمیان دو طرفہ تجارت 3.3 ارب ڈالر تک پہنچ چکی ہے،

جس میں پاکستان کی سعودی عرب کو بر آمدات صرف 30 کروڑ ڈالر کی ہیں، جبکہ سعودی عرب سے پاکستان کو در آمدات 3 ارب ڈالر ہیں ،5 سال قبل پاکستان کی سعودی عرب کو بر آمدات 50 کروڑ ڈالر تھیں ،مسلم لیگ ن کی حکومت اپنے 5 سالوں میں سعودی عرب کے حکمرانوں سے ذاتی دوستی کے دعوے کرتی رہی لیکن ملکی تجارت کے بڑھانے کے حوالے سے کوئی اقدامات نہیں کئے جس کی وجہ سے پاکستان کی سعودی عرب کو بر آمدات کم ہوکر 30 کروڑ ڈالر ہوگئیں،پاکستان سے سعودی عرب کو بر آمدات میں چاول، پیاز،تولیے، آم،فرنیچر،لیدر گارمنٹس،فٹ ویئر، رگز،میڈیکل اشیا،مچھلی،پھل،، سبزیاں،ٹیکسٹائل مصنوعات سمیر دیگر اشیا شامل ہیں، جبکہ سعودی عرب سے پٹرول اور پٹرولیم پروڈیکٹس،پٹروکیمیکل،بائیو کیمیکل پروڈیکٹس،پلاسٹک ،سٹیل پروڈیکٹس،تازہ چمڑا،کاپر ،المونیم سمیت دیگر اشیا در آمد کی جاتی ہیں،2007۔8 کے دوران پاک سعودیہ انٹرا ٹریڈ بلند ترین سطح تک پہنچ کر 5 ارب 73 کروڑ ڈالر ہوگئی ،جس میں پاکستان کی بر آمدات 38 کروڑ ڈالر جبکہ سعودی عرب سے در آمدات 5 ارب 35 کروڑ ڈالر سے زائد تھیں،زرائع کے مطابق مسلم لیگ ن کی سابق 5 سال دور اقتدار کے دوران ناقص پالیسیوں کی وجہ سے نا صرف سعودی عرب بلکہ امریکہ،ایران ،افغانستان، آسٹریلیا ،ملائیشیا،سمیت دنیا کے 18 اہم ممالک کے ساتھ بر آمدات میں کمی واقع ہوئی، ،جس کی وجہ سے تجارتی خسارہ ملکی تاریخ میں بلند ترین سطح تک پہنچ گیا،

وزارت تجارت کے دستاویزات کے مطابق گزشتہ پانچ سالوں 2013۔14 سے 2017۔18 میں آسٹریلیا کو پاکستان کیبر آمدات 25 کروڑ ڈالر سے کم ہوکر 21روڑ ڈالر ہوگئی، اسی طرح ملائیشیا کو بر آمدات 21 کروڑ سے کم ہوکر 14 کروڑ ڈالر ،چین کو بر آمدات دو ارب 41 کروڑ ڈالر سے کم ہوکر ایک ارب 74 کروڑ ڈالر،ہانک کانگ کو پاکستان کی بر آمدات 36 کروڑ دالر سے کم ہوکر 11 کروڑ ڈالر ہوگئی،جنوبی کوریا کو پاکستان کی بر آمدات 41 کروڑ ڈالر سے کم ہوکر 21 کروڑ دالر ہوگئی،

امریکہ کو پاکستان کی بر آمدات تین ارب 72 کروڑ ڈالر سے کم ہوکر 3 ارب 39 کروڑ ڈالرکینیا کو پاکستا ن کی بر آمدات 30 کروڑ دالر سے کم ہوکر 28 کروڑ ڈالر،جنوبی افریقہ کو پاکستان کی بر آمدات 29 کروڑ دالر سے کم ہوکر 17 کروڑ دالر تک پہنچ گئی،ہمارا دوست ملک سعودی عرب کو پانچ سال قبل 50 کروڑ ڈالر کی بر آمدات تھیں جوکہ کم ہوکر 30 کروڑ ڈالر ہوگئیں ،یو اے ای کو ملکی بر آمدات ایک ارب 72 کروڑ دالر سے کم ہوکر 80 کروڑ ڈالر تک پہنچ گئیں،ایران ،کینیا،بحرین،افغانستان ترکی اور روس کو بر آمدات میں کمی واقع ہوگئی

موضوعات:سعودی شاہی خاندان