فوجی عدالتوں کی مدت میں توسیع، شا ہ محمود اور پرویزخٹک کو اہم ذمہ داری سونپ دی گئی

  ہفتہ‬‮ 12 جنوری‬‮ 2019  |  22:36

اسلام آباد (آئی این پی)وزیراعظم عمران خان نے فوجی عدالتوں کی مدت میں توسیع کے معاملے پر اپوزیشن کے ساتھ مذاکرات کے لئے دو رکنی کمیٹی قائم کردی۔ کمیٹی میں پرویز خٹک اور شاہ محمود قریشی شامل ہیں۔ہفتہ کوذرائع کے مطابق وزیر اعظم عمران خان نے اپوزیشن جماعتوں سے رابطوں کا ٹاسک وزیر دفاع پرویز خٹک اور وزیر خارجہ شاہ محمود قریشی کو سونپ دیا ہے۔وفاقی وزرا کی کمیٹی فوجی عدالتوں کی مدت میں توسیع کے معاملے پر اپوزیشن سے رابطہ کرے گی اور پھر اس کیرپورٹ وزیر اعظم کو پیش کرے گی۔ ذرائع کا کہنا تھا کہ وزرا کی

کمیٹی پہلے ن لیگ اور اس کے بعد پیپلز پارٹی سے رابطے کرے گی۔ ممکنہ طور پر کمیٹی اپنی سرگرمیاں آئندہ ہفتے سے شروع کرے گی۔واضح رہے کہ 2017 میں فوجی عدالتوں کی مدت میں 2 سال کی توسیع کے لیے قومی اسمبلی اور سینیٹ نے آئینی ترمیم کا بل منظور کیا تھا، صدر مملکت نے منظور شدہ بل کے مسودے پر دستخط کیے تھے جس کے بعد بل آئین کا حصہ بن گیا تھا تاہم اب بل کی مدت ختم ہوچکی ہے

موضوعات:

آج کی سب سے زیادہ پڑھی جانے والی خبریں