لاہور(آئی این پی) ایف آئی اے سائبر کرائم ونگ نے گوجرانوالہ میں کارروائی کرتے ہوئے لاہور کے نجی بینک کے سینئر منیجر وسیم فاروق کو ساتھی خاتون سمیت گرفتار کر لیا ۔ اسسٹنٹ ڈائریکٹر آصف اقبال کے مطابق ملزم بینظیر انکم اسپورٹ پروگرام کے مستحقین کے اکاؤنٹ سے رقم نکلواتا تھا،ملزم نے مستحقین کے جعلی اے ٹی ایم کارڈ بنا رکھے تھے ۔ملزم گوجرانوالہ کے بینک میں اے ٹی ایم کارڈ

استعمال کرنے آیا تھا ۔ایف آئی اے نے ملزم سے ایک سو اے ٹی ایم کارڈ اور اے ٹی ایم بنانیوالی ڈیوائس بھی برآمد کرلی ہے ۔حکام کے مطابق وسیم فاروق نجی بینک میں صارفین کے ڈیٹا کا کسٹوڈین بھی تھا ، بینک کے اے ٹی ایم کارڈ بھی ملزم کی نگرانی میں بنتے تھے جبکہ ملزم نے بینک سے بی آئی ایس پی اکاؤنٹ ہولڈرز کا ڈیٹا حاصل کیا اور انکے ڈپلیکیٹ کارڈ تیار کیے۔

موضوعات:ایف آئی اے