اسلام آباد(مانیٹرنگ  ڈیسک)ایم کیو ایم پاکستان کے سابق رکن قومی اسمبلی علی رضا عابدی کے قتل کا مقدمہ گزری تھانے میں درج، دہشتگردی کی دفعات شامل، تفتیش کیلئے 7رکنی ٹیم تشکیل دیدی گئی، ای پی کلفٹن سوہائے عزیز ٹیم میں شامل، ایس ایس پی سائوتھ پیر محمد شاہ تفتیشی ٹیم کی سربراہی کرینگے۔ تفصیلات کے مطابق ایم کیو ایم پاکستان کے سابق رکن قومی اسمبلی علی رضا عابدی

کے قتل کا مقدمہ گزری تھانے میں درج کر لیا گیا ہے ۔ مقدمہ دہشتگردی کی دفعات کے تحت درج کیا گیا ہے۔ علی رضا عابدی کے قتل کی تفتیش کیلئے 7رکنی ٹیم تشکیل دی گئی ہے جس کی سربراہی ایس ایس پی سائوتھ پیر محمد شاہ کرینگے جبکہ ٹیم میں دبنگ خاتون ایس پی کلفٹن سوہائے عزیز بھی شامل ہیں۔ ٹیم کے دیگر ممبران میں طارق دھاریجو مختیار احمد خاصخیلی، راجہ اظہر محمود، انسپکٹر اسد اللہ منگی اور انسپکٹر چوہدری امانت بھی شامل ہیں۔ خیال رہے کہ واقعے سے متعلق ایک نئی سی سی ٹی وی ویڈیو سامنے آئی ہے جس میں موٹرسائیکل سوار حملہ آور سابق ایم این اے علی رضا عابدی کی گاڑی کا تعاقب کرتے نظر آرہے ہیں۔ٹیم کے دیگر ممبران میں طارق دھاریجو مختیار احمد خاصخیلی، راجہ اظہر محمود، انسپکٹر اسد اللہ منگی اور انسپکٹر چوہدری امانت بھی شامل ہیں۔ خیال رہے کہ واقعے سے متعلق ایک نئی سی سی ٹی وی ویڈیو سامنے آئی ہے جس میں موٹرسائیکل سوار حملہ آور سابق ایم این اے علی رضا عابدی کی گاڑی کا تعاقب کرتے نظر آرہے ہیں۔واضح رہے کہ اس سے قبل ایس پی کلفٹن سوہائے عزیز کراچی میں چینی قونصلیٹ پر دہشتگردوں کے حملے کے ناکام بنا چکی ہیں جبکہ انہوں نے سوشل میڈا کے معروف کیس سویپنگ وائف میں مرکزی ملزم کو بھی گرفتار کیا تھا اس کے علاوہ وہ منشیات فروشوں کیلئے بھی خوف کی علامت سمجھی جاتی ہیں۔

موضوعات:ایس پی سوہائے عزیز تفتیشی ٹیم علی رضا عابدی قتل کیس