لاہور(آئی این پی ) لاہور کی انسداد دہشتگردی عدالت نے لیگی ایم پی اے سیف الملوک کھوکھر اور ان کے بھائی شفیع کھوکھر کے ناقابل ضمانت وارنٹ گرفتاری جاری کر تے ہوئے ملزمان کو گرفتار کر کے پیش کرنے کا حکم دے دیا ۔ جمعہ کو انسداددہشتگردی کی عدالت نے ناقابل ضمانت وارنٹ گرفتاری جاری کیے۔

عدالت نے ایس ایچ او جوہر ٹان کو ملزمان کو گرفتار کر کے پیش کرنے کا حکم دے دیا۔ ملزمان کی عدم پیشی پر ناقابل ضمانت وارنٹ گرفتاری جاری ہوئے، ملزمان پر قتل سمیت انسداددہشتگردی کے دفعات کے تحت مقدمہ درج ہے۔ عدالت نے کیس کی سماعت 27 اکتوبر تک ملتوی کر دی۔

موضوعات:انسداد دہشتگردی عدالت سیف الملوک کھوکھر لیگی ایم پی اے