وزیر اعلیٰ خیبر پختونخوا کو فوجی اہلکاروں کی جانب سے گاڑی میں بٹھائے جانے کے مناظر،ترجمان حکومت نے اصل معاملے سے پردہ اٹھاتے ہوئے اہم اعلان کردیا

  منگل‬‮ 23 اکتوبر‬‮ 2018  |  13:55

پشاور (آئی این پی) ترجمان خیبرپختونخوا حکومت شوکت یوسفزئی نے وزیراعلیٰ خیبر پختونخوا محمود خان کی سوات میں ایک تقریب کے دوران فوجی اہلکاروں کی طرف سے گاڑی میں بٹھائے جانے کے مناظر کو سوشل میڈیا میں منفی انداز میں پیش کرنے کی مذمت کی اور وضاحت کرتے ہوئے کہا کہ وزیراعلیٰ تقریب میں لوگوں کے رش اور جلدی پہنچنے کی وجہ سے وہاں سے جلد روانہ ہوئے۔شوکت یوسفزئی نے کہا کہ مخالفین ہمارے خلاف پروپیگنڈہ کر رہے اس طرح کی پہلے بھی کردار کشی کی کوششیں ہوتی رہی ہیں جنہیں عوام نے مسترد کر دیا ۔ واضح رہے وزیراعلیٰ

محمود خان کی ایک ویڈیو سوشل میڈیا پر وائرل ہوئی ہے ‘ جس میں سکیورٹی فورسز کے جوانوں نے سہارا دے کر انہیں گاڑی تک پہنچایا جبکہ اس دوران درجنوں افراد وہاں موجود تھے اور یہ منظر دیکھا۔ ‎

موضوعات:

آج کی سب سے زیادہ پڑھی جانے والی خبریں