اسلام آباد(مانیٹرنگ ڈیسک)اسے چلنے دو ،عمران خان اپنے پائوں پر خود کلہاڑی مارے گا، نواز شریف نے میٹنگ میں پارٹی رہنمائوں کو کیا ہدایت دے دی ہیں، حامد میر کا تہلکہ خیز انکشاف۔ تفصیلات کے مطابق نجی ٹی وی پروگرام میں خاتون صحافی و اینکر مہر عباسی نے سوال کیا کہ کیا میاں نواز شریف حکومت پر اپنی تنقید کو ضابطے میں رکھ رہے ہیں، اور فرنٹ فٹ پر آکر

نہیں کھیل رہے کیا اس کی وجہ شہباز شریف کی گرفتاری ہے کیا یہ شہباز شریف سے کوئی بدلہ لے رہے ہیں یا کوئی ان کے پاس کوئی آپشن نہیں ہے؟حامد میر نے جواب دیتے ہوئے کہا کہ میرے خیال میں نواز شریف بہت سوچ سمجھ کر چل رہے ہیں، اور انہوں نے بہت کم بولنے کی جو پالیسی اختیار کی ہے یہ ان کی منصوبہ بندی ہے۔ حامد میر کا کہنا تھا کہ شہباز شریف کا بیانیہ غلط ثابت ہو گیا ہے ، نواز شریف کا بیانیہ صحیح ثابت ہو گیا ہے اور نواز شریف بہت سوچ سمجھ کر چل رہے ہیں اور آج سے ایک دو ہفتے قبل انہوں نے نجی محفل میں کچھ پیش گوئیاں کی تھیں اور ان کی پیش گوئیاں حرف بہ حرف صحیح ثابت ہو رہی ہیں۔ انہوں نے کہا کہ تھا کہ عمران خان کو کام کرنے دو ، اس کو تنگ نہ کرو، یہ بہت جلد خود اپنے پائوں پر کلہاڑی مارے گا۔ کاشف عباسی اور محمد مالک نے پروگرام میں جو باتیں کی ہیں اس دوران مجھے نواز شریف کی یہ باتیں یاد آرہی تھیں۔ میری یہ بات آج آپ لکھ لیں اور لکھ کر جیب میں ڈال لیں کہ ڈیڑھ دو ماہ بعد آپ لوگ پریشان ہو جائیں گے کہ نواز شریف اتنے گھن گرج کے ساتھ سامنے آئیں گے اور ان کا انداز نہایت جارحانہ ہو گا۔ اور اس پر عمران خان وزیراعظم کے طور پر ردعمل نہیں دینگے بلکہ وہ بھی اپوزیشن لیڈر کی طرح ردعمل دینگے اور مجھے لگ رہا ہے کہ آنیوالا وقت پاکستان کی سیاست میں بہت تلاطم خیز ہو گا۔

موضوعات:حامد میر عمران خان نواز شریف