اسلام آباد(مانیٹرنگ ڈیسک)آپ پوچھ رہے تھے کہ کون ہے منشا بم اور وہ کس کے لئے کام کرتا ہے۔ لیجئے جناب خود دیکھ لیجئے، خواجہ سعد رفیق نے عمران خان اور قبضہ مافیا منشا بم کی ایک ساتھ مبینہ تصاویراپنے فیس بک اکائونٹ پر شیئر کر دیں۔ تفصیلات کے مطابق لاہور کے قبضہ مافیا منشا بم ان دنوں سوشل میڈیا اور الیکٹرانک میڈیا کی زینت بنا ہوا ہے ۔ ایسے میں ن لیگ کے خواجہ سعد رفیق کے فیس بک اکائونٹ سے عمران خان اور منشا بم کی مبینہ طور پر ایک ساتھ تصاویر شیئر کر دی ہیں ۔

خواجہ سعد رفیق نے عمران خان اور منشابم کی تصاویر کیساتھ دیگر پی ٹی آئی رہنمائوں کیساتھ اس کی تصاویر شیئر کرتے ہوئے لکھا ہے کہ ’’آپ پوچھ رہے تھے کہ کون ہے منشا بم اور وہ کس کے لئے کام کرتا ہے۔ لیجئے جناب خود دیکھ لیجئے‘‘۔ان تصاویر میں دیکھا جا سکتا ہے کہ مبینہ منشا بم ایک جگہ عمران خان سے مصافحہ کر رہا ہے جبکہ اس موقع پر شاہ محمود قریشی اور اعجاز چوہدری بھی موجود ہیں جبکہ ایک جگہ منشا بم عبدالعلیم خان سے ان کے دفتر میں ملاقات کررہا ہے۔

موضوعات:خواجہ سعد رفیق عمران خان منشا بم