اسلام آباد (نیوز ڈیسک) تحریک انصاف کے ممبر قومی اسمبلی میاں فرخ حبیب نے انکشاف کرتے ہوئے کہا کہ ایڈن ہاؤسنگ فراڈ کیس بہت پرانا ہے، ایک نجی ٹی وی چینل سے گفتگو کرتے ہوئے فرخ حبیب نے کہا کہ ایڈن ہاؤسنگ فراڈ کا کیس بہت پرانا ہے،اس میں لوگوں کے ساتھ فراڈ کیا گیا اور جب وزیر اعظم عمران خان لاہور آئے تو متاثرین نے مال روڈ پر احتجاج بھی ریکارڈ کروایا۔ فرخ حبیب نے گفتگو کرتے ہوئے کہا کہ جب سپریم کورٹ

کے سابق چیف جسٹس افتخار محمد چودھری کی بیٹی کی شادی ہوئی تو اس وقت بھی ان کے داماد کے خلاف یہ کیس چل رہا تھا۔ تحریک انصاف کے رہنما فرخ حبیب نے کہا کہ افتخار چودھری کا مسلم لیگ ن کے ساتھ تعلق کسی سے ڈھکا چھپا نہیں ہے کہ کس طرح ان کے بیک ڈور رابطے تھے اور کس طرح کارروائیاں کی جاتی تھیں۔ ان کاکہنا تھا کہ ایڈن فراڈ کیس خصوصی کیس ہے اور اس پر نیب نے کارروائی کرنے کا کہاہے۔

موضوعات:میاں فرخ حبیب