کراچی (این این آئی) ایمریٹس نے نئے مقامات کی سیر اور پسندیدہ جگہوں کے سفر میں سہولت پیدا کرنے کے لئے اپنے عالمی روٹ نیٹ ورک کے کرایوں میں کمی کا اعلان کیا ہے۔ مقامی شرائط و ضوابط کے مطابق صارفین کو 14 ستمبر 2018 تک اپنا ٹکٹ بک کروانا ہوگا اور انہیں 16 ستمبر 2018 سے 15 مارچ 2019 تک کے عرصے میں سفر کرنا ہوگا۔ مسافر کم کرایوں میں دبئی، امریکاز، یورپ اور مشرق بعید بھر کے 150 سے زائد مقامات کا سفر کرسکیں گے ۔

اس کے ساتھ مسافر فلائی دبئی کے ساتھ ایمریٹس کی پارٹنرشپ سے بھی فائدہ اٹھا سکتے ہیں۔ اس اشتراک کی بدولت عالمی سطح پر دونوں ایئرلائنوں کے نیٹ ورکس کے دیگر 90 مقامات پر بھی کم کرائے کی سہولت قابل عمل ہے۔ اکانومی کلاس میں سفر کے لئے کرایوں کی شروعات امریکاز کے لئے ایک لاکھ 20 ہزار 700 روپے، یورپ کے لئے 78 ہزار 300 روپے، اور مشرق بعید کے لئے 55 ہزار 300 روپے سے ہورہی ہے۔ اسی طرح بزنس کلاس میں سفر کے لئے کرایوں کی شروعات امریکاز کے لئے 3 لاکھ 13 ہزار 300 روپے، یورپ کے لئے 2 لاکھ 65 ہزار 500 روپے، اور مشرق بعید کے لئے ایک لاکھ 54 ہزار 300 روپے سے ہورہی ہے۔ایمریٹس کے مسافر تمام کلاسز میں اسکے ایوارڈ یافتہ انفلائٹ انٹرٹینمنٹ سسٹم آئس پر 3500 چینلز کے ساتھ بہترین کھانے اور باسہولت بیگیج الاؤنس سے بھی مستفید ہوسکتے ہیں۔ ایمریٹس کے وائس پریذیڈنٹ پاکستان جبر الاعزیبی نے کہا، “ایمریٹس بہترین سفری تجربہ کے ساتھ عالمی مقامات کے شاندار نیٹ ورک سے سفر کی سہولت پیش کرتا ہے اور اب مختصر مدت کے لئے کم کرائے بھی فراہم کئے جارہے ہیں ۔ چاہے کسی نئے شہر کا سفر ہو، نئے تجربہ سے روشناس ہونا چاہتے ہوں یا پھر اہل خانہ اور دوستوں سے ملنے کا وعدہ پورا کرنا ہو، ایمریٹس کے ساتھ سفر کا منصوبہ بنانے کا اس سے بہتر موقع نہیں ہوگا۔ ہم مزید پاکستانی مسافروں کا خیرمقدم کرنے کی توقع رکھتے ہیں،

چاہے وہ ہماری پروازوں کے پرجوش پرستار ہوں یا پہلی بار سفر کرنے والے ہوں۔” ایمریٹس پاکستان کے چھ شہر کراچی، لاہور، اسلام آباد، پشاور، سیالکوٹ اور ملتان سے ہفتہ وار 71 پروازیں آپریٹ کرتا ہے۔ ایمریٹس نے حال ہی میں پاکستانی تاریخ کے اندر ایک بار اپنا A380جہاز اسلام باد کے لئے آپریٹ بھی کیا تھا۔ ایمریٹس کے بارے میں مزید معلومات بشمول فلائٹس کی بکنگ اور مکمل شرائط و ضوابط کے بارے میں تفصیلی معلومات کے لئے اپنے ٹریول ایجنٹ سے رجوع کریں یا پھر ویب سائٹ

موضوعات:ایمریٹس