کوئٹہ (آئی این پی) پاکستان تحریک انصاف اور بلوچستان نیشنل پارٹی مینگل گروپ کے درمیان ملاقات ہوئی جس میں بی این پی کے چھ نکات پر اتفاق رائے قائم کر لیا گیا جبکہ سردار اختر مینگل نے کہا کہ دونوں جماعتوں کے درمیان معاہدے پر دستخط ہوئے ہیں ، امید ہے تحریک انصاف ہمارے پیش کردہ چھ نکات کو حل کرکے بلوچستان کے لوگوں میں احساس محرومی کا خاتمہ کرے گی ۔

بدھ کو پاکستان تحریک انصاف کے سینئر رہنماء شاہ محمود قریشی کے سربراہی میں وفد نے بی این پی مینگل کے وفد سے ملاقات کی ۔ مینگل گروپ کے وفد کی سربراہی سردار اختر مینگل نے کی ملاقات میں بی این پی کے چھ نکات پر اتفاق رائے قائم کر لیا گیا ۔ ملاقات کے بعد میڈیا سے گفتگو کرتے ہوئے بی این پی مینگل کے سربراہ سردار اختر مینگل نے کہا کہ دونوں جماعتوں کے درمیان معاہدے پر دستخط ہوئے ہیں ۔ امید ہے کہ تحریک انصاف چھ نکات کو حل کرے گی ۔ انہوں نے کہا کہ بلوچستان کے لوگوں میں احساس محرومی ہے جسے دور کیا جانا ضروری ہے ۔ شاہ محمود قریشی نے کہا کہ سردار اختر کے تعاون پر شکرگزار ہوں ۔ بی این پی ہمیں سپورٹ کرے گی ۔ ان کی نشست سے وفاق مضبوط ہو گا ۔ بلوچستان کے مسائل کو دیانتداری سے حل کریں گے ۔ انہوں نے کہا کہ لاپتہ افراد کو بازیاب کروایا جائے گا ۔ نیشنل ایکشن پلان پر عملدرآمد کیا جائے گا ۔ سی پیک میں بھی بلوچستان کا بڑا حصہ ہے ۔واضح رہے کہ عمران خان کے وزیراعظم بننے کیلئے بی این پی کی حمایت ضروری تھی ۔  پاکستان تحریک انصاف اور بلوچستان نیشنل پارٹی مینگل گروپ کے درمیان ملاقات ہوئی جس میں بی این پی کے چھ نکات پر اتفاق رائے قائم کر لیا گیا جبکہ سردار اختر مینگل نے کہا کہ دونوں جماعتوں کے درمیان معاہدے پر دستخط ہوئے ہیں ، امید ہے تحریک انصاف ہمارے پیش کردہ چھ نکات کو حل کرکے بلوچستان کے لوگوں میں احساس محرومی کا خاتمہ کرے گی ۔

موضوعات:سردار اختر مینگل