اسلام آباد(آن لائن) تحریک انصاف کے رہنما سینیٹر چودھری سرور نے کہا ہے کہ ہماری جماعت کو قومی وپنجاب اسمبلی میں واضح اکثریت حاصل ہے وزیراعظم ، سپیکر اور ڈپٹی سپیکر کے انتخابات میں کوئی مشکل نہیں البتہ سخت مقابلہ متوقع ہے عمران خان نے ملک میں خوشحالی لانے کا پلان دیا ہے جبکہ خیبر پختونخواہ میں کارکردگی کی بنیاد پر دو تہائی اکثریت حاصل ہے اور وزیراعلیٰ پنجاب کے لئے عمران خان کافیصلہ سب کوقبول ہو گا ۔

ایک انٹرویو میں سابق گورنر پنجاب سینیٹر چودھری سرور نے کہا ہے کہ تحریک انصاف میں کسی قسم کی گروپ بندی نہیں ہے اور وزیراعلیٰ پنجاب کے معاملے عمران خان کا فیصلہ سب کو قبو ل ہو گا۔ اور عمران خان نے بتایا ہے کہ ملک میں کیسے خوشحالی لانی ہے انہوں نے کہا کہ قومی اسمبلی میں ہمیں واضح اکثریت حاصل ہے اور وزیراعظم ، سپیکر اور ڈپٹی سپیکر کے انتخاب میں کسی قسم کی مشکل پیش نہیں آئے گی اسی طرح پنجاب اسمبلی میں تحریک انصاف کے 123 مسلم لیگ ق کے 8 اور 20 آزاد ارکان کے ساتھ کل 150 ارکان کی اکثریت حاصل ہے چودھری سرور نے کہا کہ ہماری جماعت کی خیبر پختونخواہ میں کار کردگی کو مد نظر رکھتے ہوئے عوام نے دوتہائی اکثریت سے دوبارہ منتخب کیا ہے ہماری تیاری مکمل ہے اور 100 دن کا ایجنڈا ضرور پورا کریں گے انہوں نے کہا کہ تمام سیاسی جماعتوں کو حکومت میںآنے سے پہلے تیاری کے طور پر شیڈو کابینہ بنانی چاہئے لیکن اس سے پارٹی میں دراڑیں پڑنے کا خدشہ ہوتا ہے۔  تحریک انصاف کے رہنما سینیٹر چودھری سرور نے کہا ہے کہ ہماری جماعت کو قومی وپنجاب اسمبلی میں واضح اکثریت حاصل ہے وزیراعظم ، سپیکر اور ڈپٹی سپیکر کے انتخابات میں کوئی مشکل نہیں البتہ سخت مقابلہ متوقع ہے عمران خان نے ملک میں خوشحالی لانے کا پلان دیا ہے جبکہ خیبر پختونخواہ میں کارکردگی کی بنیاد پر دو تہائی اکثریت حاصل ہے اور وزیراعلیٰ پنجاب کے لئے عمران خان کافیصلہ سب کوقبول ہو گا ۔

موضوعات:چودھری سرور