اسلام آباد (مانیٹرنگ ڈیسک)غنویٰ بھٹو کچھ تو شرم کرو، مجھے شرم پر لیکچر نہ دو، جمائما اور ذوالفقار علی بھٹو کی بہو کے درمیان ٹویٹر پر لفظی جنگ نے ہنگامہ برپا کر دیا۔ تفصیلات کے مطابق غنویٰ بھٹو اور جمائما کے درمیان ٹویٹر پر لفظی جنگ نے ہنگامہ برپا کر دیا ہے ، دونوں کے درمیان ٹویٹر پر سخت جملوں کا تبادلہ اس وقت ہوا ہے جب غنویٰ نے جمائمہ کی اپنے بچوں کے ساتھ میکسیکو میں لی گئی تصویر کو اسرائیل کی تصویر قراردیتے ہوئے کہا کہ ’ عمران خان کی فیملی ایک

ایسی ریاست اسرائیل کے دورے پر ہے جس کو پاکستان تسلیم نہیں کرتا ، کیا یہ پاکستان کیلئے کوئی معنی نہیں رکھتا؟۔واضح رہے کہ یہ تصویر لیگی سوشل میڈیا اکاؤنٹ کی طرف سے اسے اسرائیلی دارالحکومت تل ابیب میں یہودی عبادت گاہ کے باہر لی گئی تصویر قرار دیا گیا اور لکھا گیا کہ ’ یہ یہودی عبادت گاہ کے باہر یہودی لباس میں کھڑے ہیں اور ان کا باپ پاکستان کو مدینہ جیسی ریاست بنانا چاہتا ہے‘۔تصویر میں دیکھا جا سکتا ہے کہ جمائمہ اپنے بچوں قاسم اور سلیمان کے ساتھ نظر آرہی ہیں جبکہ ٹیریان وائٹ بھی ان کے ساتھ موجود ہیں۔ چاروں نے کھلے اور رنگ برنگے کپڑے پہن رکھے ہیں۔ غنویٰ بھٹو کی جانب سے اس ٹویٹ پر جمائمہ گولڈ اسمتھ بھی میدان میں آگئیں ۔انہوں نےاپنے ٹویٹ میں جواب دیتے ہوئے لکھا یہ تصویر میکسیکو میں چھٹیوں کے دوران لی گئی تھی اور ہم لوگ مقامی لباس پونچوز پہنے ہوئے ہیں، اس قسم کی جہالت اور خوف بہت ہی خطرناک ہے ، برائے مہربانی یہ باتیں بند کریں۔جمائمہ گولڈ سمتھ نے ایک اور ٹویٹ میں غنویٰ بھٹو کے بارےے میں لکھا ’ یہ ٹویٹ جہالت سے بھرپور ہے اور اگر یہ خطرناک نہ ہوتا تو یہ بہت ہی مزاحیہ ہوتا، یہ تصویر چھٹیوں کے دوران اسرائیل میں نہیں میکسیکو میں لی گئی تھی اور ہم سب نے پونچوز پہن رکھے ہیں کوئی یہودیوں کا مذہبی لباس نہیں ، غنویٰ بھٹو کچھ شرم کرو‘۔جمائمہ کی جانب سےشدید ردعمل کے اظہار کے بعد غنویٰ بھٹو نے فوراََ ہی اپنے  ٹویٹ سے متعلق معافی مانگتے ہوئے لکھا کہ ’ اوہ میرے خدایا ، جمائمہ یہ میکسیکو تھا؟ افواہیں لوگوں کو اندھا کردیتی ہیں حتیٰ کہ مجھے بھی، برائے مہربانی تمہیں مجھے شرم پرلیکچر دینے کی ضرورت نہیں۔

موضوعات:ٹیرین وائٹ جمائمہ سلمان عمران غنویٰ بھٹو قاسم عمران میکسیکو