لاہور(آن لائن)مسلم لیگ (ن) کے قائد شہباز شریف نے حلقہ این اے 130میں اہلیہ اور بیٹے سلمان شہباز کے ساتھ لائن میں کھڑے ہوکر ووٹ کاسٹ کیا تفصیلات کے مطابق بدھ کے روز سابق وزیر اعلیٰ پنجاب شہباز شریف نے لاہور کے حلقہ این اے 130 کے جونئیر ماڈل سکول کے پولنگ اسٹیشن میں اپنی اہلیہ اور بیٹے سلمان شہباز کے ساتھ لوگوں کی لائن میں لگ کر ووٹ کاسٹ کیا ۔

اس موقع پر انہوں نے قومی پرچم کے رنگ میں ملبوس سبز رنگ کا لباس پہنا ہوا تھا انہوں نے صحافیوں سے گفتگو کرتے ہوئے کہا کہ شیر انشاء اللہ ضرور جیتے گا عوامی طاقت سے پی ایم ایل این ملک اور قوم کی تقدیر بدلے گی انہوں نے کہا کہ ملک میں پی ایم ایل این تعلیم ،صحت اور روزگار کا نیا پلان ترتیب دے گی اور دیا میر ڈیم اور بھاشا ڈیم کو ہنگامی بنیادوں پر جلد از جلد تعمیر کریں گے اور ملک کو صیح معنوں میں قائد اعظم اور اعلامہ اقبال کا پاکستان بنائیں گے۔

موضوعات:الیکشن 2018 شہبازشریف